今日上演左一幕電視劇"同事三分親" 既情節, 真係搞笑, 令我覺得, 呢個世界真係有冇咁橋呀? 如有雷同, 真係咁巧合~?!
事緣舊同事&朋友開左間蚊型廣告設計公司, 2個人+freelance.
今日突然急call, 叫哂救命咁, 話有個客今日會衝上去佢公司參觀參觀, 問我可唔可以早d放工, 5點前上佢公司, 客串演出做駐場 "dee哂拿~"
佢咁講, 我當然捧住個肚大笑..., "咁都得~???"
之但係佢又好彩喎, 啱啱遇著剛剛我今日又放假, 咪去幫下佢, 又同佢顛下lor...
臨時演員都唔止我一個, 都湊到腳打番枱麻雀.
等到個客黎, action 左之後, 都要扮做下野呀, 開下圖呀, 睇下資料咁啦~
最主要都係開幾幅圖俾個客睇啫, 所有對白動作指導當然由老闆自導自演啦.........
跟住我地逐個扮收工, 其他野就等"老細"搞掂啦~
其實我都幾佩服我朋友, 開公司仲可以搵到個咁大既客源, 雖然人少少但好有實力, 我自問我就唔係呢d做生意既材料.... 唯有做死一世打工仔啦.........
