台灣單車環島出發前準備

要單車環島準備當然要一架性能良好既單車啦...
結果, 我左睇右睇, 買左部單車好型咁帶去台灣...

但型係要付出代價....又煩呢樣又煩果樣... 搵紙箱, 抬住20kg野去機場, 又要睇巴士呀哥面色, 台灣冇住酒店又要抬黎抬去, 唔係架架的士都肯載, 單車玩完十幾日受盡風吹雨打既催殘, 損耗, 真係身心疲累架...

其實都唔太建議帶單車過去, 而且仲係全新單車.
因為, 台灣有某些單車店係有租車服務, 車種質素很好...而且租金相宜...全冇後顧之憂, 用完唔使煩~!

租車瘋 - 此店位置不詳, 只在網上見評語不錯
frog.cafe - 在淡水八里經過此店, 之前在網上見過老闆環島日誌, 特地到咖啡館拜訪, 車不錯, 價錢又ok~
早知道過黎租好過啦...


車買完, 又要係淘寶執野啦,
車尾行李架,
前燈尾燈,
水壺架,
單車小袋, 尾袋...
我冇買單車專用既馬鞍袋,因為覺得冇需要, 所以用backpack 綁上車尾架就算...



帶去既物品當然越少越好啦, 畢竟是自己承受番...
衫褲 3套
電話相機充電器
防水風褸
急救用品
毛巾
2人營
水壺 x 2

由於會借宿, 所以帶個營會方便好多...

好, 入箱~!


萬事俱備, 只欠銀兩, 目標旅費上限 HKD$3000

Let the Journey Begin...